«Qazgıdromet» RMK 2025 jylǵy tamyzda Qazaqstannyń qaı óńirlerinde qurǵaqshylyq bolatynyn habarlady, dep habarlaıdy Egemen.kz.
Jazdyń sońynda elimizdiń ońtústiginde qurǵaqshylyq qaýpi joǵary kúıinde qalmaq. Aldyn ala esepteýlerge sáıkes, 2025 jyldyń tamyzynda myna óńirlerde ortasha qurǵaqshylyq kútiledi:
Batys Qazaqstan oblysy – Jańaqala jáne Qaratóbe aýdandarynda; Aqtóbe oblysy – Shalqar jáne Yrǵyz aýdandarynda; Qostanaı oblysy – Amangeldi jáne Jangeldın aýdandarynda; Qaraǵandy oblysy – Aqtoǵaı jáne Shet aýdandarynda; Abaı oblysy – Aıagóz jáne Úrjar aýdandarynda; Almaty oblysy – Balqash, Jambyl jáne Eńbekshiqazaq aýdandarynda; Jetisý oblysy – Qaratal, Panfılov, Kerbulaq jáne Alakól aýdandarynda; Qyzylorda oblysy – Qazaly, Qarmaqshy, Shıeli aýdandary men Qyzylorda qalasynda;Sonymen qatar Jambyl, Túrkistan jáne Ulytaý oblystarynyń basym bóliginde.
Al ortasha ylǵaldy jaǵdaılar myna aımaqtarda boljanyp otyr:
Pavlodar oblysy – Aqtoǵaı jáne Jelezın aýdandarynda; Soltústik Qazaqstan oblysy – Jambyl jáne M. Jumabaev aýdandarynda.Eldiń qalǵan aýmaǵynda ylǵaldaný jaǵdaıy normaǵa jýyq deńgeıde bolady dep kútiledi.