"Qazgıdromet" RMK erteń, 25 shildede Astana men Almaty qalalarynda, sondaı-aq 17 oblysta aýa raıynyń qolaısyzdyǵyna baılanysty daýyldy eskertý jarııalady, dep habarlaıdy Egemen.kz.
Almaty oblysynyń taý bókterlerinde naızaǵaı kútiledi. Qonaev qalasynda 25–28 shilde aralyǵynda kún qatty ysıdy – +36…+39°C. О́rt qaýpi óte joǵary deńgeıde saqtalady.
Almaty qalasynda da 25–28 shilde kúnderi +35…+39°C qatty aptap kútiledi. О́rt qaýpi óte joǵary.
Atyraý oblysynyń shyǵysynda kúndiz ótkinshi jańbyr jaýyp, burshaq jaýýy, jel kúsheıýi múmkin. Túnde naızaǵaı kútiledi. Jel ekpini 15–20 m/s. Atyraý qalasynda naızaǵaı boljanǵan.
Qyzylorda oblysynda shańdy daýyl soǵyp, naızaǵaı oınaıdy. Jeldiń jyldamdyǵy 15–20 m/s deıin jetýi múmkin. Qyzylordada da osyndaı jaǵdaılar kútiledi.
Batys Qazaqstan oblysynda burshaq, naızaǵaı men qatty jel boljanǵan. О́rt qaýpi joǵary. Oral qalasynda da naızaǵaı men burshaq kútiledi.
Ulytaý oblysynda aptap ystyq pen naızaǵaı kútiledi. Kúndiz +35°C. Jezqazǵanda da naızaǵaı kútiledi.
Qaraǵandy oblysynda naızaǵaı, 15–20 m/s jyldamdyqpen soǵatyn jel jáne +36°C deıin ystyq bolady. О́rt qaýpi joǵary.
Qostanaı oblysynda naızaǵaı, burshaq pen jel ekpini kúsheıedi. Keı óńirlerde órt qaýpi óte joǵary.
Mańǵystaý oblysynda shańdy daýyl men naızaǵaı kútiledi. Aqtaýda órt qaýpi óte joǵary.
Jambyl oblysynda jel kúsheıip, Tarazda +39°C deıin ystyq bolady. О́rt qaýpi joǵary.
Túrkistan oblysynda 40–42°C aptap ystyq, shańdy daýyl, naızaǵaı jáne jel boljanǵan. Shymkent pen Túrkistanda da joǵary temperatýra saqtalady.
Aqtóbe oblysynda burshaq, naızaǵaı, jel jáne órt qaýpi kútiledi.
Pavlodar oblysynda naızaǵaı jáne qatty jel boljanǵan. О́rt qaýpi joǵary.
Soltústik Qazaqstan oblysynda burshaq, týman, naızaǵaı, shkval jáne jeldiń kúsheıýi kútiledi. Petropavlda da naızaǵaı men 15–20 m/s jel kútiledi.
Shyǵys Qazaqstan men Abaı oblystarynda +35…+41°C aptap ystyq, naızaǵaı jáne qatty jel kútiledi. О́rt qaýpi óte joǵary deńgeıde.
Aqmola oblysynda burshaq, naızaǵaı, jel jáne órt qaýpi saqtalady. Kókshetaýda naızaǵaı men jel kútiledi.
Astanada da 25 shildede naızaǵaı men 15–20 m/s ekpindi jel boljanǵan. О́rt qaýpi joǵary deńgeıde saqtalady.