2025 jylǵy 17-23 shilde aralyǵynda Maldıv araldarynyń astanasy Male qalasynda ótken Ortalyq Azııa chempıondar lıgasynda elimizdiń namysyn Oral qalasynyń «Jaiyq» voleıbol klýby abyroımen qorǵap, jeńimpaz atandy.
Azııa qurlyǵyndaǵy bedeldi dodaǵa 5 memleketten 6 úzdik komanda qatysty. Báseke óte qyzý boldy. Elimiz atynan synǵa túsken «Jaiyq» klýby tájirıbeli bapker Vıktor Kozıktiń jetekshiligimen óte sátti óner kórsetti. Bir aptaǵa sozylǵan saıysta «Jaiyq» komandasy Kirgyzstan klýbyn, jergilikti Club HDC, Dhivehi Sifainge club komandalaryn 3:0 esebimen, Shrı-Lankanyń Ports Authority komandasyn 3:1 esebimen jeńdi. Jalpy týrnır barysynda 6 matchtyń 5-eýinde jeńiske jetken «Jaiyq» klýby Ortalyq Azııa deńgeıinde úzdik ekenin dáleldep shyqty.
Týrnır qorytyndysynda «Jaiyq» klýbynyń birneshe oıynshysy úzdikter qatarynan kórindi. Atap aıtqanda, Vıtalıı Erdshteın týrnırdiń úzdik oıynshysy, Volodımır Kovalchýk úzdik baılanystyrýshy, Vladımır Prokofev úzdik shabýylshysy atandy.
«Bul týrnır – biz úshin tek jarys emes, elimizdiń namysyn qorǵaý jolyndaǵy mańyzdy qadam boldy. Jeńisimiz – búkil el voleıbolynyń abyroıy», deıdi klýb dırektory Azamat Nurmuhanbetov.
Batys Qazaqstan oblysy