2025 jylǵy 25 shildede, tańerteń Taıland pen Kambodja shekarasynda artıllerııalyq atys dybystary qaıta estildi. Bul týraly Taılandtyń Ulttyq teleradıohabar taratý qyzmeti málimdedi, dep jazady Egemen.kz Sınhýa agenttigine silteme jasap.
Taıland Densaýlyq saqtaý mınıstrliginiń resmı ókili orynbasarynyń aıtýynsha, beısenbi kúni jergilikti ýaqytpen saǵat 21:00-degi jaǵdaı boıynsha Kambodjamen shekarada bolǵan qarýly qaqtyǵystar saldarynan 14 taı azamaty qaza taýyp, taǵy 46 adam jaraqat alǵan.
Halyqqa shekaralas aýdandarǵa sapar shegýden bas tartýǵa keńes berilgen.
Esterińizge sala keteıik, 23 shilde kúni shekara mańynda mına jarylyp, saldarynan birneshe taılandtyq sarbaz zardap shekken.
Al 24 shildede Taıland pen Kambodja arasynda shekarada qarýly qaqtyǵys ýshyǵyp, atys bolǵan. Qarýly janjal kezinde beıbit turǵyndar da qaza tapqan.