Almatyda ústel tennısinen WTT Youth Contender halyqaralyq iri týrnıri ótip jatyr. Ulttyq olımpıada komıtetiniń málimetinshe, kezekti jarys kúninde ulttyq qurama úsh júlde ıelendi. Medaldardyń úsheýi de – qola, dep jazady Egemen.kz.
Qyzdar arasyndaǵy U13 sanatynda Jánııa Bekmuhambetova fınalǵa shyǵý úshin ótken matchta Taıbeı ókili Lıao Iýı Szınge 0:3 esebimen jol berdi.
Osy jas sanatynda Araılym Sapabek te jartylaı fınalda reseılik Eleonora Shırıaevaǵa 2:3 kórsetkishimen ese jiberdi.
Taǵy bir qola júldeni Nurdáýlet Azamatuly (U13) jeńip aldy. Ol jartylaı fınalda reseılik Matveı Manankovpen tartysty kezdesýde (2:3) utyldy.