Qazaqstandyq ánshi Dımash Qudaıbergen Nıý-Iork qalasynda jeke konsert beredi. Aýqymdy mýzykalyq shoý 2025 jylǵy 5 qazanda álemge áıgili Madison Square Garden kesheninde ótedi, dep habarlaıdy Egemen.kz.
AQSh-taǵy konsert jaıly aqparatty ánshiniń ózi Instagram paraqshasynda jarııalady.
Nıý-Iorkte Dımash Qudaıbergen óziniń dúnıejúzilik gastroldik týrynyń aıasynda daıyndalǵan «Stranger» atty arnaıy baǵdarlamasyn usynady.
Aıta keteıik, Madison Square Garden sahnasynda osyǵan deıin Elvıs Preslı, Maıkl Djekson, Madonna, Elton Djon, Djastın Tımberleık, Beıonse, Teılor Svıft, Ledı Gaga, The Rolling Stones syndy álemdik juldyzdar óner kórsetken.