Ulybrıtanııada júrgizilgen jańa zertteý nátıjesinde Japon avtokólikteriniń senimdiligi taǵy da dáleldendi. «Warrantywise» saqtandyrý kompanııasy eldegi avtokólik modelderiniń sany men ortasha naryqtyq qunyna súıene otyryp arnaıy saraptama júrgizgen, dep habarlaıdy Egemen.kz.
Zertteý kezinde saqtandyrý jaǵdaılarynyń sırek tirkelýi jáne tehnıkalyq qyzmet kórsetý qunynyń tómendigi esepke alynǵan. Osy kórsetkishterge súıene otyryp jasalǵan reıtıngtiń kóshin japon markalary bastady.
Birinshi orynǵa 92,8 upaı jınaǵan Toyota Yaris ıe boldy. Ekinshi jáne úshinshi oryndardy 88,6 upaımen Suzuki Swift pen Toyota Aygo bólisti. Tórtinshi orynǵa koreıalyq Kia Picanto (86,8) turaqtasa, úzdik bestikke Toyota Prius (86,1) kirdi.
Altynshy oryndy Kia Ceed (85,3) enshilese, jetinshi satyǵa tizimdegi jalǵyz pıkap – Toyota Hilux (84) ornalasty. Honda CR-V segizinshi orynǵa (83,4), al Ford B-Max toǵyzynshy orynǵa (82,8) taban tiredi.
Saraptama nátıjesi boıynsha, alǵashqy ondyqty 82,8 upaımen Citroen C1 túıindegen.