«Design Educates Awards 2025» halyqaralyq syılyǵynyń «Architectural Design» atalymynda almatylyq dızaıner jasaǵan qazaq úı úzdik dep tanyldy.
Design Educates Awards – sáýlet dızaıny salasyndaǵy bedeldi marapattardyń biri. Sáýletshi Ravıl Nurǵısa jasaǵan zamanaýı kıiz úı úzdik arhıtektýralyq joba retinde baǵalanyp, onyń mádenı qundylyǵyna mán berilgen.
О́z jumysynda sáýletshi ulttyq dástúr men zamanaýı ıdeıalardyń úılesimin aıshyqtaýǵa, kóshpelilerdiń dástúrli shańyraǵyn zamanaýı ekologııalyq tehnologııalarmen barynsha úılestirýge tyrysqan. Yqsham ári yńǵaıly kıiz úıdiń aýdany 25 sharshy metrdi quraıdy. Shaǵyn úıde as ishý, jatyn oryndary, jumys isteý jáne gıgıenalyq bólme bar. Jınalmaly jıhazdar bir sátte úıdiń ishine sán berip tursa, qajet jaǵdaıda jınastyryp, bos keńistikti barynsha paıdalanýǵa bolady.
Zamanaýı tehnologııalarmen jabdyqtalǵan qazaq úıde sýdy bıologııalyq tazartý júıesi qondyrylǵan. Qozǵalmaly teleskoptyq panelder arqyly aýa raıynyń qubylmaly kezinde úıdiń qabyrǵasy men tóbesin ashyp, jabýǵa bolady. Kún batareıalarynan 5,3 kvt energııa taraıdy. Bul turmystyq tehnıkalardy tıimdi paıdalanýǵa yńǵaıly.
ALMATY