2025 jyly qazaqstandyqtar Tamyzdyń sońynda atap ótiletin Konstıtýsııa kúnine baılanysty uzaq demalysqa shyǵady, dep habarlaıdy Egemen.kz.
Bıyl memlekettik mereke sanalatyn 30 tamyz – Qazaqstan Respýblıkasynyń Konstıtýsııasy kúni senbige tap keledi. Eńbek kodeksine sáıkes, eger mereke demalys kúnine sáıkes kelse, qosymsha demalys kelesi jumys kúnine, ıaǵnı bul joly 1 qyrkúıek – dúısenbige aýystyrylady.
Osylaısha, elimizdiń azamattary 30 jáne 31 tamyz kúnderimen qosa, 1 qyrkúıekte de demalyp, úsh kún qatarynan tynyǵa alady.
Budan bólek, tamyz aıynyń ózge aptalaryndaǵy dástúrli senbi-jeksenbi kúnderi de demalys retinde saqtalady. Atap aıtqanda:
2–3 tamyz, 9–10 tamyz, 16–17 tamyz, 23–24 tamyz, 30–31 tamyz kúnderi — resmı demalystar.Jalpy alǵanda, 2025 jyldyń tamyzynda qazaqstandyqtar 10 kún boıy demalady.