Qazaqstan Respýblıkasynyń Oqý-aǵartý mınıstrligi 2025–2026 oqý jylyna arnalǵan oqýdyń bastalý jáne aıaqtalý ýaqytyn, sondaı-aq mektep oqýshylaryna arnalǵan demalys kúnderin jarııalady, dep habarlaıdy Egemen.kz.
«Oqý prosesi 2025 jylǵy 2 qyrkúıekte bastalyp, 2026 jylǵy 25 mamyrda aıaqtalady. Bilim kúnine arnalǵan saltanatty jıynnyń ýaqyty men kúni mekteptiń pedagogıkalyq keńesiniń sheshimimen belgilenedi», delingen habarlamada.
Mınıstrliktiń málimetinshe, birinshi toqsan 8 oqý aptasynan turady. Kúzgi demalys 2025 jylǵy 27 qazanda bastalyp, 2 qarashaǵa deıin, ıaǵnı 7 kúnge jalǵasady.
Ekinshi toqsannyń uzaqtyǵy da 8 aptaǵa teń. Qysqy kanıkýl 2025 jyldyń 29 jeltoqsanynan bastalyp, 2026 jyldyń 7 qańtaryna deıin sozylady. Demalys uzaqtyǵy – 10 kún.
Sonymen qatar 1-synyp oqýshylaryna arnalǵan qosymsha demalys 2026 jyldyń 9–15 aqpany aralyǵynda, ıaǵnı 7 kún boıy ótedi.
Al, úshinshi toqsan 10 aptaǵa sozylady. Kóktemgi kanıkýl 2026 jyldyń 19 naýryzynda bastalyp, 29 naýryzdy qosa alǵandaǵy 11 kúndik demalys beriledi.
Tórtinshi toqsan 8 aptany qamtıdy, oqý jylynyń sońǵy kúni – 2026 jyldyń 25 mamyry.