Psıhıkalyq jáne minez-qulyqtyq aýytqýlary bar, onyń ishinde túrli táýeldilikke shaldyqqan adamdardy emdeýge memleket 62,3 mlrd teńge baǵyttap otyr. Bul qarajat kepildendirilgen tegin medısınalyq kómek aıasynda qarastyrylǵan. Bul týraly Premer-Mınıstr Oljas Bektenov málimdedi, dep jazady Egemen.kz.
Táýeldilikke ushyraǵan jandarǵa medısınalyq jáne áleýmettik kómek erikti túrde de, sot sheshimimen májbúrli túrde de kórsetiledi.
2025 jyldyń alǵashqy alty aıynda psıhobelsendi zattardy tutynatyn jáne ózge de táýeldilik túrlerine shaldyqqan 108 426 adam esepte tur. Bul kórsetkish ótken jyldyń osy kezeńimen salystyrǵanda sál tómendegen – byltyr 108 841 adam bolǵan.
Sonymen qatar bıyl konsýltatıvtik baqylaý júıesi engizildi. Jyl basynan beri psıhobelsendi zattardy qoldanatyn 2 461 adam men qumar oıynǵa táýeldi 19 azamat osy sanatqa tirkelgen.