Prezıdent tapsyrmasyna sáıkes, Qazaqstanda zamanaýı biryńǵaı mektep ınfraqurylymyna kóshýge baǵyttalǵan keń aýqymdy jańǵyrtý jumystary qolǵa alyndy. Aldaǵy úsh jyl ishinde elimiz boıynsha 1231 mektep jańartylady, dep habarlaıdy Egemen.kz.
2025 jyly 245 bilim oshaǵynda jańǵyrtý jumystary bastalyp ketti. Onyń ishinde 146 mektep aýyldyq jerlerde, 99-y qalalyq aımaqtarda ornalasqan.
Jospar boıynsha:
214 mektepte – kúrdeli jóndeý júrgiziledi; 19 mektepte – aǵymdaǵy jóndeý jumystary atqarylady; 12 mektep – rekonstrýksııalanady.Oqý-aǵartý mınıstrliginiń habarlaýynsha, jobanyń júzege asyrylýy 100 myńǵa jýyq oqýshynyń oqý jaǵdaıyn jaqsartýǵa múmkindik beredi.
Sonymen qatar jańǵyrtý jumystary bilim berý salasynyń zamanaýı talaptaryna saı keletin toǵyz baǵyt boıynsha júrgizilip jatyr. Oǵan mektep ǵımarattaryn kúrdeli jóndeý, pán kabınetterin jańa qural-jabdyqtarmen qamtamasyz etý, jıhazdardy jańartý, talshyqty-optıkalyq ınternet jelisine qosý, sport zaldary, kitaphanalar men ashanalardy qaıta jabdyqtaý, qaýipsizdik júıelerin ornatý jáne mektep aýmaǵyn abattandyrý kiredi.
Aıta keteıik, aýyl mektepterine erekshe nazar aýdarylǵan. Bul bastama qala men aýyl arasyndaǵy bilim berý sapasyndaǵy aıyrmashylyqty azaıtyp, barlyq oqýshylarǵa teń múmkindik jasaýǵa baǵyttalǵan.