Qaıǵyly oqıǵalar Qytaı astanasynyń soltústigindegi taýly aýdandarda tirkelgen. Atap aıtqanda, Mııýn aýdanynda 28 adam, al Iаnsın aýdanynda 2 adam mert bolǵan, dep habarlaıdy Egemen.kz.
Sý tasqyny saldarynan qala boıynsha 80 332 adam evakýasııalanǵan. Jergilikti bılik ókilderiniń málimetinshe, eń kóp jaýyn-shashyn mólsheri Mııýn aýdanynda tirkelip, 543,4 mm-ge jetken.
Nóser saldarynan 31 jol ýchaskesi búlinip, 136 aýylda elektr qýaty óshken. Sonymen qatar sońǵy kúnderi Mııýn jáne basqa da astanaǵa qarasty aýdandarda sýbtropıkalyq antısıklon shetiniń jyly jáne ylǵaldy aýasynan týyndaǵan ekstremaldy jáne kúshti konvektıvti qubylystar baıqalǵan.
Al, dúısenbi kúni saǵat 20:00-de Beıjiń qalasynyń sý tasqynyna qarsy kúres shtaby eń joǵarǵy deńgeıdegi shuǵyl áreket etý mehanızmin iske qosqan.