О́nerkásip jáne qurylys vıse-mınıstri Iran Sharhan Úkimet otyrysynda geologııa men taý-ken salasyndaǵy mamandyqtardyń bedelin arttyrý baǵytynda atqarylyp jatqan jumystar týraly málimdedi, dep jazady Egemen.kz.
Onyń aıtýynsha, maýsym aıynyń 16–21 aralyǵynda Qarqaraly oqý-geologııalyq polıgonynda II «Sátbaev» geologııalyq Ýnıversıadasy ótti. Bul sharaǵa elimizdiń jetekshi joǵary oqý oryndary men Semeı geologııalyq barlaý kolledjiniń 100-den astam stýdenti qatysqan.
Sondaı-aq shildeniń 8–15 aralyǵynda Semeı qalasynda mektep oqýshylary arasynda II Respýblıkalyq dalalyq geologııalyq olımpıada uıymdastyrylyp, elimizdiń barlyq óńirinen 16 komanda baq synaǵan.
Iran Sharhannyń aıtýynsha, mundaı is-sharalar jastardy erte kásibı baǵyttaýǵa, geologııa salasyna qyzyǵýshylyqty damytýǵa, daryndy oqýshylardy anyqtaýǵa jáne otandyq geologııalyq bilimniń halyqaralyq deńgeıdegi abyroıyn kóterýge yqpal etedi.
«Mundaı is-sharalar erte kásibı baǵdarlaýǵa, mamandyqqa qyzyǵýshylyqty qalyptastyrýǵa, daryndy jastardy anyqtaýǵa jáne otandyq geologııalyq bilimniń halyqaralyq bedelin nyǵaıtýǵa yqpal etedi. Taý-ken isi men geologııa mamandyqtaryna degen qyzyǵýshylyq artýda. Eger buǵan deıin jyl saıynǵy bitirýshiler sany 1,2 myń adam bolsa, sońǵy eki jylda bul kórsetkish jyl saıyn 3 myńnan asyp otyr. Sonymen qatar túlekterdiń 98%-y óz mamandyǵy boıynsha jumysqa ornalasyp jatyr», dedi vıse-mınıstr.