Búgingi Úkimet otyrysynda Qostanaı oblysy ákimi Qumar Aqsaqalov óńirdegi halyqty jumyspen qamtý baǵytynda jasalǵan jumys týraly baıandady, dep habarlaıdy Egemen.kz.
Q.Aqsaqalov óńirlik jumyspen qamtý kartasy aıasynda keminde 43 myń azamatty jumysqa ornalastyrý josparlanyp otyrǵanyn atap ótti, onyń ishinde 22 myńnan astamy jumyspen qamtý boıynsha járdem alǵan.
«Bıyl oblysta keminde 20 myń jumys ornyn ashý kózdelgen, onyń ishinde qazirgi ýaqytta shamamen 9 myń jumys orny ashyldy. Jyldyń aıaǵyna deıin josparly kórsetkishter oryndalatyn bolady», dedi aımaq basshysy.
Sonymen qatar, oblysta 164 myńnan astam adamdy jumyspen qamtyp otyrǵan 68 myń shaǵyn jáne orta bıznes sýbektileri bar. Bul oblystyń barlyq ekonomıkalyq belsendi halqynyń úshten birinen astamyn quraıdy. 2024 jylmen salystyrǵanda shaǵyn jáne orta bıznes kásiporyndarynda jumyspen qamtylǵandar sany 3,2%-ǵa nemese 5 myń adamǵa artqan. О́sim, onyń ishinde kásipkerlikti memlekettik qoldaýdyń qoldanystaǵy sharalary esebinen qamtamasyz etilgen.