Mektep ómiriniń ajyramas bóligi – taqta. Muǵalim men oqýshy alma-kezek paıdalanatyn, bilimge jol ashatyn «qaqpanyń» nelikten jasyl tústi bolatynyn oılanyp kórdińiz be, dep jazady Egemen.kz.
Kópshiligimizge mektep taqtasy qara ne qyzǵylt-qońyr tústi bolý kerek sekildi seziledi. Sebebi HH ǵasyrdyń basynda mektep taqtalary úshin osy túster tańdalǵan bolatyn. Aǵashtan jasalǵan mektep buıymy qara lakpen boıalatyn.
Dese de 1960 jyldardan beri álem elderindegi bilim oshaqtarynda jasyl tústi taqtalar qoldanysqa enip jatty. Bul qadam ǵylym men pedagogıka salasynyń qara tústiń oqýshy densaýlyǵyna zııany bar ekenimen baılanysty edi.
Janǵa jaıly - jasyl tús
Zertteýlerge súıensek, adam kózine, janyna eń jaıly tús - jasyl. Bul tús kózdi taldyrmaıdy, uzaq ýaqyt qarasa da zeıinniń shashyraýyna jol bermeıdi. Sondaı-aq qara taqtaǵa qaraǵanda jasyl taqtamen aq tústi bor úılesimi de úzdik. Qara men aqtyń kontarsty kózdi sharshatsa, jasyl tús kerisinshe kózge kúsh túsirmeıdi. Taqtaǵa tús tańdaýdaǵy jasyl tús estetıka nemes sulýlyq qana emes adamnyń emosııasyna oń áser etý. Sondaı-aq oqýshynyń aqparatty jeńil qabyldaýyna da áser etedi.
Tehnologııa qaryshtaǵan tusta mektep taqtalarynyń materıaldary da ózgerdi. Qazir taqtalar burynǵydaı aǵash pen laktan emes, arnaıy keramıkadan, bolat negizdi emaldan jasalyp júr. Bul materıaldar bordyń jaqsy kórinýine jáne ońaı óshýine yqpal etedi. Jasyl tústi taqtanyń zamanaýı vızýaldy standarttarǵa saı ekenin de atap ótken jón.