Jambyl oblysynda bolǵan atys saldarynan tórt adam jaralanǵan. Olar 29 shilde kúni keshki saǵat 21:30 shamasynda Moıynqum aýdandyq aýrýhanasyna jetkizilgen, dep habarlaıdy Egemen.kz.
Oblystyq polısııa departamentiniń aldyn ala málimeti boıynsha, jábirlenýshiler jaraqatty travmatıkalyq qarýdan alǵan. Atalǵan derek boıynsha qylmystyq is qozǵalǵan.
Qazirgi ýaqytta polısııa qyzmetkerleri oqıǵanyń mán-jaıyn anyqtaý úshin jedel-izdestirý jáne tergeý sharalaryn júrgizip jatyr.
Aıta keteıik, sońǵy úsh jylda qazaqstandyqtar 4 myńǵa jýyq qarýdy erikti túrde tapsyrǵan.