Elimiz EAEO elderi arasynda jeńil avtokólikter baǵasynyń eń joǵary ósimin kórsetti. Eýrazııalyq ekonomıkalyq komıssııanyń dereginshe, 2025 jylǵy maýsymda elimizde avtokólik baǵasy bir jylda 11,6%-ǵa ósken.
Salystyrý maqsatynda mysal keltirsek, Reseıde baǵa ósimi 1,4% bolsa, Qyrǵyzstanda 0,2% ǵana bolǵan. Armenııa men Belarýsta jeńil avtokólikter arzandaǵan. Al 2025 jyldyń alǵashqy jartyjyldyǵynda tek Qazaqstan (+9,3%) men Reseıde (+2,8%) ǵana baǵa óskeni baıqalǵan.
Eldegi baǵanyń kúrt ósýine jańa avtokólikterdiń qymbattaýy sebep. Ulttyq statıstıka bıýrosynyń málimetinshe, bul segmentte baǵa maýsym aıynda ótken jylmen salystyrǵanda 21,3%-ǵa ósken. Al qoldanystaǵy avtokólikterdiń baǵasy, kerisinshe, resmı derek boıynsha tómendegen.
Elimizde sondaı-aq azyq-túlik emes taýarlar men qyzmetter baǵasynyń ósýi de EAEO elderi ishinde eń joǵary deńgeıde. Al azyq-túlik ınflıasııasy, kerisinshe, odaqtyń ortasha kórsetkishinen tómen.