Islandııa – álemdegi eń baqytty elderdiń biri. Keıingi onjyldyqta bul memleket BUU qoldaýymen júrgiziletin Dúnıejúzilik baqytty el esebinde úzdik bestikten túspeı keledi.
Reıtıng azamattardyń ómir súrý uzaqtyǵy, áleýmettik qoldaý, senim deńgeıi, erkindik, jomarttyq sııaqty faktorlar boıynsha anyqtalady. Islandııa halqy nebári 400 myńǵa jýyq. Biraq olar ózara senimdilik pen ortaq jaýapkershilikke negizdelgen qoǵamda ómir súredi. Elde tabys teń bólinedi, sybaılas jemqorlyq deńgeıi óte tómen, al bilim men densaýlyq saqtaý salasy álemdegi eń sapaly júıelerdiń qatarynda.