Bıyl alǵashqy jartyjyldyqta Qazaqstan Ulttyq elektrondy kitaphanasynyń Kazneb.kz platformasynyń damý qarqyny jańa deńgeıge kóterildi.
Kontent qaralymynyń sany 4 076 629-ǵa jetip, 30% ósse, 379 312 paıdalanýshy, qashyqtan 746 056 paıdalanýshy kirip, aýqym 44%-ǵa artty. Sondaı-aq avtorlardyń ruqsatymen qujattardy júkteý sany 1 mln 600 myńnan asty.
Jyl basynan beri elektrondy baza 2 758 qujatpen tolyǵyp, byltyr osy kezeńmen salystyrǵanda 6% kóbeıdi. Búginge deıin 114 842 bet skanerlenip, 362 049 bet redaksııalandy.
Ulttyq elektrondy kitaphana qorynda 81 357 qujat saqtalǵan, 64 tildegi qujattarmen erkin tanysý múmkindigi bar.
QazUEK – elimizdegi keń kólemdi aqparattar usyna alatyn tuńǵysh memlekettik kitaphanalyq portal. Kez kelgen paıdalanýshy ınternet jelisi arqyly Ulttyq elektrondy kitaphana portalyna tirkelýsiz, erkin, avtorızasııasyz tolyq mátindi qujattarmen tanysa alady. QazUEK álemniń 110 elinen paıdalanýshylardyń senim artyp, turaqty qoldanatyn portalyna aınalyp keledi. Negizgi elder qatarynda Qazaqstan, Reseı, Germanııa, AQSh, О́zbekstan, Nıderland, Fransııa, Túrkııa, Qytaı, Ulybrıtanııa jáne t.b. bar.
Portal kózi nashar kóretin jandar úshin de qoljetimdi.