2025–2026 oqý jyly qarsańynda elimizde «Jalpyǵa birdeı bilim berý» qory aıasynda oqýshylardy mektepke daıyndaý jumystary júrgizilip jatyr. Oqý-aǵartý mınıstrliginiń málimetinshe, bıyl 500 myńnan astam balaǵa materıaldyq qoldaý kórsetiledi, dep jazady Egemen.kz.
Qor dástúrli túrde jetim, ata-ana qamqorlyǵynsyz qalǵan balalarǵa, az qamtylǵan jáne ataýly áleýmettik kómek alatyn otbasy balalaryna kómek berip keledi.
Sonymen qatar, ómirlik qıyn jaǵdaıǵa tap bolǵan balalar da nazardan tys qalmaıdy.
Kómek ata-analardyń esepshottaryna aýdarylady. Bul olarǵa mektep formasyn, aıaq kıim jáne keńse taýarlaryn ózderi tańdaýǵa múmkindik beredi. 2025 jyly bir balaǵa beriletin eń tómengi soma kólemi – 46 228 teńge kóleminde bolady.
«Oqý-aǵartý mınıstrligi áleýmettik osal sanattaǵy balalarǵa kómek kórsetý boıynsha ashyq ári yńǵaıly tetik qalyptastyrdy. Bul qoldaý sharasy búginde barlyq óńirde iske asyrylýda», dedi QR Oqý-aǵartý mınıstrligi Balalardyń quqyqtaryn qorǵaý komıtetiniń tóraıymy Nasymjan Ospanova.