Memleket basshysynyń tapsyrmasyna sáıkes, eldi mekenderdi gazdandyrý men gaz salasynyń áleýetin arttyrý baǵytynda bıyl elimizde 62 mlrd tekshe metr gaz óndirý josparlanyp otyr. Bul týraly Úkimettegi baspasóz máslıhatynda QR Premer-Mınıstriniń birinshi orynbasary Roman Sklıar málimdedi, dep jazady Egemen.kz.
Onyń aıtýynsha, 2025 jyly 94 eldi mekenge gaz berilip, 300 myńnan astam adam kógildir otynǵa qol jetkizedi.
«Qyrkúıek aıynda uzyndyǵy 302 shaqyrym bolatyn «Taldyqorǵan – Úsharal» magıstraldyq gaz qubyry iske qosylady, bul 60-tan astam eldi mekendi gazben qamtamasyz etýge múmkindik beredi», dedi Roman Sklıar.
Aıta keteıik, sáýir aıynda «Beıneý–Bozoı–Shymkent» magıstraldyq gaz qubyrynyń ekinshi jelisiniń qurylysy bastalǵan. Bul ınfraqurylymdyq joba 2026 jyldyń sońyna deıin iske qosylady dep josparlanyp otyr.
Al munaı-gaz hımııasy salasynda bıylǵy alty aıda 380 myń tonnadan astam ónim óndirilgen. Bul ótken jyldyń osy kezeńimen salystyrǵanda 12,7%-ǵa joǵary kórsetkish.
Munaı ónimderiniń jalpy óndirisi 7,6 mln tonnany qurap otyr. Jyldyq jospar — 14,8 mln tonna.