Sońǵy bir saǵat ishinde Kamchatka túbegi jaǵalaýynda segiz jer silkinisi bolǵan. Jer asty dúmpýleri 4,5-ten 6,7 balǵa deıingi magnıtýdamen tirkelgen, dep habarlaıdy Egemen.kz.
30 shilde kúni Kamchatka ólkesinde 1952 jyldan bergi eń qýatty jer silkinisi tirkelgen. Túrli baǵalar boıynsha onyń magnıtýdasy 8,7-ge jetken. Soltústik-Kýrılsk jaǵalaýyna sýnamı soǵyp, Tynyq muhıty aımaǵyndaǵy birneshe elde sýnamı qaýpi jarııalanǵan.
Al Chılıde tolqyn bıiktigi 2,5 metrge deıin jetken. Japonııada shamamen 2 mıllıon adamǵa evakýasııalaý týraly usynys jasaldy. Gavaı araldarynda 1,2 metrlik tolqyndar tirkelgen.