Ásemgúl Kabeldınova – qazaqtyń ulttyq taǵamdaryn, sonyń ishinde etti zamanaýı formatta usynyp, brendke aınaldyra bilgen kásipker. Ol úshin bul jaı ǵana as emes, urpaq sabaqtastyǵyn, otbasy jylýyn, ulttyq bolmysty saqtap qalýdyń joly, dep jazady Egemen.kz.
Ásemgúl birneshe jyldan beri qazy, shujyq sekildi dástúrli taǵamdardy úıretip, ulttyq ashanany jańa deńgeıge kóterip júr. Onyń basty maqsaty – dástúrden alystamaı, biraq qazirgi ýaqytqa, kúndelikti tutynýǵa yńǵaıly etý. Ol Instagram, TikTok áleýmettik jelilerin tıimdi paıdalanyp, blog júrgizedi.
Sonymen qatar, sheberlik sabaqtaryn ótkizip, ulttyq kıim, dastarqan ádebi, et músheleý syndy salt-dástúrdi úıretedi. Onyń bastaǵan kásibiniń basty ereksheligi ónimderiniń 15-20 mınýtta daıyn bolýynda. Bul ásirese et pisirýdi bilmeıtin, ýaqyty az, jumystan kesh keletin adamdar úshin óte qolaıly.