29 shilde kúni Premer-mınıstrdiń birinshi orynbasary Roman Sklıar «Airbus»-tyń Eýropa aımaǵyndaǵy prezıdenti Joan Pelısemen kezdesý ótkizdi.
Eýropalyq «Airbus» kompanııasy – álemdegi eń iri avıakompanııalardyń biri. Talqylaý barysynda Roman Sklıar Úkimettiń avıasııa salasyn damytý, onyń ishinde áýe kemeleri parkin jańartý boıynsha júrgizip jatqan jumystary týraly aıtyp ótti.
Elimizdiń aýmaǵynda azamattyq jáne memlekettik avıasııa ushaqtaryn jóndeý men qyzmet kórsetý ortalyǵyn ashý qajettiligine erekshe nazar aýdaryldy.
Kezdesý kezinde birinshi vıse-premer eýropalyq kompanııa ókilderine yntymaqtastyqty odan ári damytýdaǵy nıeti úshin, sondaı-aq avıasııa salasynda birlesken jobalardy júzege asyrý perspektıvalary úshin alǵys bildirdi.
Jıyn qorytyndysy boıynsha memlekettik organdar men uıymdarǵa eýropalyq kompanııanyń bastamalaryn pysyqtaý boıynsha birqatar tapsyrma berildi.