Ulttyq statıstıka bıýrosynyń resmı deregine sáıkes, el ekonomıkasynyń qorytyndy ósýi 2024 jylǵy qorytyndy boıynsha 5 paıyzǵa baǵalandy, dep jazady Egemen.kz.
Budan buryn, JIО́ ósýi aldyn ala 4,8 paıyzǵa baǵalanǵan. Ulttyq statıstıka bıýrosynyń málimetinshe, 2024 jylǵy ekonomıkalyq ósý munaıǵa jatpaıtyn sektordyń damýy arqyly júzege asqan.Taýar óndirisi 6,3%-ǵa artyp (aldyn ala derek -5,5%), qyzmet kórsetý sektory 4,6%-ǵa ósýdi kórsetken. О́zekti faktordyń biri óńdeý ónerkásibindegi óndiris kóleminiń 6,8%-ǵa (buryn -5,9%) ósýi. Bul 2011 jyldan bergi eń joǵary kórsetkish. Qurylys sektory 15,3%-ǵa (buryn - 13,1%), aýyl sharýashylyǵy 13,7%-ǵa (buryn - 13,3%) aıtarlyqtaı úles qosqan. Baılanysty salalar da oń serpin kórsetken. Ishki saýda kólemi 8,9%-ǵa (buryn - 8,8%), kólik pen qoımalaý qyzmeti 9,4%-ǵa (buryn - 8,5%) artqan.Ekonomıka mınıstrliginiń málimetinshe, qol jetkizilgen nátıje naqty sektordy qoldaý, kólik-logıstıkalyq ınfraqurylymdy damytý, ınvestısııalyq belsendilikti yntalandyrý men qarjy quralyna qol jetkizýdi arttyrý sharasynyń arqasynda júzege asqan.Ekonomıkalyq saıasatty keshendi iske asyrý ishki suranysty nyǵaıtýǵa, kásipkerlik belsendiliktiń ósýine, óndiristik áleýetti arttyrýǵa yqpal etken. Osylaısha, mańyzdy salalardaǵy, ásirese, taý-ken ónerkásibiniń (12%) úlesinen asyp túsetin JIО́ 12,4%-y —óńdeý ónerkásibindegi oń serpin esebinen ekonomıkanyń odan arǵy ornyqty ósýi men ártaraptandyrylýyna negiz jasalǵan.