Baýyrlastardyń baıandy jınaǵy

Joba avtorlary – qazaq aqyny, aýdar­­mashy, áde­bı agent Saıat Qamshyger men qyrǵyz ǵalymy, aýdarma­shy, ádebı agent Qııalbek Aqmatov. Qyrǵyz eliniń jazýshylaryn halyq jazýshysy Topshygúl Shaıdýllaeva bastap kelse, olardy Qazaqstan Jazýshylar odaǵy basqarmasy tóraǵasy­nyń orynbasary Qasymhan Beg­manov qarsy alyp, eki eldiń ádebı baılanysy týraly tereńnen tolǵap, kórkem áde­­­bıettiń búgingi jaı-kúıi jóninde áńgime sabaqtady.

Qazaq-qyrǵyz ádebı baı­lanystarynyń jandanyp, damýyna úles qosatyn bul eki jınaqtyń Táýelsizdik al­ǵaly beri tuńǵysh shyǵyp otyr­ǵanyn basa aıtqan jón. Qa­zaq jazýshylarynyń qyrǵyz tiline aýdarylǵan «Pandemııa dúrbeleńi» áńgimeler jınaǵyna 27 qalamgerdiń tańdaýly áń­gimesi endi. Jınaq ishine Na­ǵashybek Qapalbekuly, Tóken Áljantegi, Asylbek Ih­san, Jabal Erǵalıev, Qaıym-Mu­nar Tabeev, Dildar Ma­myr­baeva, Sáýle Dosjan, Nur­lan Qamı, Ábdildabek Sa­lyq­baı, Turaq Adısuly, Dáýletbek Baıtursynuly, Aı­gúl Kemelbaeva, Serik Nu­ǵyman, Nurlybek Samat­uly, Jádı Shákenuly, Mı­ra Shúıinshálıeva, Gúl­zat Shoı­bekova, Nurjan Qýan­taıuly, Sáken Sybanbaı, Erbolat Ábikenuly, Ularbek Dáleıuly, Jaınagúl Beknııaz, Esbolat Aıdabosyn, Aıgúl Jubanysh, Álibek Baıbol, Abylaıhan Esimbaı, Nurbek Nurjanulynyń áńgimeleri toptastyrylǵan.

Qazaq jazýshylarynyń áńgimeleri qyrǵyz oqyrman­darynyń kóńilinen shyǵyp, júrekten oryn alǵany qýa­nar­lyq jaǵdaı. О́mir, ólim, taǵ­dyr, mahabbat, kúnde­lik­ti kúı­beń tirliktegi alýan oqıǵa­lar­dy sheber sýrettegen qa­zaq qalamgerleriniń izdenisi, sheber­ligi týysqan halyqtyń synshy­larynan, ­áde­bıettanýshy-ǵa­lym­darynan oń baǵasyn alǵan.

Qyrǵyz jazýshylarynyń qazaq tiline aýdarylǵan «Kúnniń kózin kórgim keledi» áńgimeler jınaǵyna Zınagúl Pasanova, Ábdilámıt Mátisaqov, Ábdi­kerim Muratov, Sultan Raev, Qa­nybek Imanalıev sııaqty 24 qalamgerdiń tańdaýly áńgimesi engen. Qyrǵyz prozasynyń qazirgi jaı-kúıin, damýyn oqyrman osy áńgimelerden ańǵarady. Jınaqtaǵy áńgime­ler ómirdiń túrli sátterin, qıly taǵdyrlardy arqaý et­ken. Týysqan qyrǵyz ádebıetin­degi máseleler men kótergen ­taqy­ryptar, oqıǵalar qazaqqa da jat emes.

Qyrǵyz ben qazaqqa ortaq qos kitaptyń alǵashqy danalary 25 shildede Bishkek qala­synda súıinshilense, endi mine, eki jınaq ta avtorlardyń qatysýymen Almatyda tanys­tyryldy. Qyrǵyz elindegi is-sharaǵa 11 qazaq jazýshysy qatyssa, bul joly áńgimeleri qazaq tiline aýdarylǵan qyr­ǵyzdyń 10 jazýshysy osy tusaýkeserge arnaıy keldi. Bir týǵan eki halyqtyń ádebı dos­tyǵyn tý etken rýhanı kesh­tiń sońynda Q.Ahmatov qyrǵyz jazýshylarynyń áń­gimelerin qazaq tiline aýdar­ǵan qalamgerlerdi ózi basqara­tyn «Taalım» baspa úıiniń Alǵys­hatymen marapattady. Ki­tap­hanadaǵy kezdesý sońy meımandardyń ádebıet týraly erkin pikir almasyp, sýretke túsip, shahardyń kó­rikti oryndaryn aralaýymen jalǵasty.

ALMATY