Abaı Qunanbaıulynyń 180 jyldyq mereıtoıyna arnalǵan onkúndik aıasynda tanymal sýretshi Ańsaǵan Mustafanyń «Kóńilge túrli oı salar» atty avtorlyq kórmesi uıymdastyryldy, dep jazady Egemen.kz.
Kórmeniń maqsaty – uly oıshyldyń tereń tolǵamdaryn búgingi urpaqqa kórkem tilmen jetkizý. Ataýly ekspozısııaǵa avtor 1,5 jyl boıy daıyndalǵan.
– Ekspozısııaǵa 1,5 jyl daıyndaldym. 58 jumysymda aqyn kótergen ózekti taqyryptardy beıneledim. Ár týyndy aldynda Abaıdyń qara sózderi men óleńderin qaıta oqyp, maǵynasyna tereń úńildim, – dedi Ańsaǵan Mustafa.
Kórmede aqyl, júrek pen qaırat teńdigi, ar-ojdan, eńbek, talap, maqtanshaqtyq pen rýhanı kemeldik sekildi taqyryptar kórkem obraz arqyly órilgen. Árbir týyndynyń janynda Abaı shyǵarmalarynan alynǵan naqyl sózder men úzindiler usynylǵan.
Ańsaǵan Mustafanyń art-plastıka janryndaǵy týyndylary osy ýaqytqa deıin álemniń 30-dan astam elinde ótken 155 kórmege qatysqan. Olardyń qatarynda Koreıa, Túrkııa, Argentına, Meksıka, Italııa, Fransııa, AQSh, Japonııa, Iran, Polsha, Úndistan jáne basqa da memleketter bar.
Abaı oblysy