Atalǵan oblys boıynsha jalpy sý alý kólemi búginde 3,03 mlrd tekshe metr (90,5%), al josparlanǵan kórsetkish – 3,35 mlrd tekshe metr. Qalǵan 9,5% sý sýarý maýsymy aıaqtalǵanǵa deıin alynady, dep jazady Egemen.kz.
Oblysta sý – 5 magıstraldyq jáne 3 sharýashylyqaralyq kanal arqyly kezekpen berilip, egistikterdiń 98 paıyzy kezekpen sýarylyp jatyr.
Egistik alqaptaryna sý berýdi jaqsartý úshin sala mınıstrligi men Tótenshe jaǵdaılar mınıstrligi ırrıgasııalyq kanaldarǵa jyljymaly sorǵy qondyrǵylaryn, ıaǵnı barlyǵy 324 agregat ornatqan.
Sý resýrstary jáne ırrıgasııa birinshi vıse-mınıstri Nurlan Aldamjarovtyń aıtýynsha «Qazsýshar» fılıaly jergilikti dıqandarmen sý berý boıynsha 1 015 kelisimshart jasasqan. О́ńirde mınıstrliktiń jumys toby sýarmaly sýdyń ádil bólinýine monıtorıng pen turaqty baqylaý júrgizip jatyr.