Bıyl aqpanda bıznes ókilderimen ótken kezdesý memlekettiń ekonomıkany damytýshylarmen birlesý uranymen uıymdastyryldy. Onda Memleket basshysy mynadaı mańyzdy jaıtqa toqtaldy: «Ekonomıkany damytýdyń basym baǵyttary iri ınfraqurylymdyq jáne ónerkásiptik jobalar, sıfrlandyrý men jasandy ıntellekt, kólik jáne logıstıka salalary bolýy tıis. Sonymen birge shaǵyn jáne orta bıznesti qoldaý úkimettiń únemi basty nazarynda bolady».
Prezıdent aıtqan oıdy tolyqtyra tússek, kásipkerlik orta – turaqty ekonomıkalyq ósimniń irgetasy. Sebebi bul sala eldiń ınvestısııalyq tartymdylyǵyn arttyryp, halyqtyń ál-aýqatyn qamtamasyz etedi. Búginde Qazaqstannyń jalpy ishki óniminiń shamamen 60 paıyzyn qyzmet kórsetý salasy quraıdy. Bul – básekelestikti damytyp, jańa jumys oryndaryn ashýǵa yqpal etetin mańyzdy sektor.
Jahandyq úrdister únemi ózgerip jatqan qazirgi kezeńde bıznes te bir orynda turmaıdy, ol únemi damyp, jetilý ústinde. Osy baǵytta kózge túsip júrgen kompanııalardyń biri – «Favorite» JShS. Oǵan jas kásipker ári talantty basqarýshy Raıs Aǵaev jetekshilik etedi.
Kásibı avtoservıs salasynda Raıs Aǵaevtyń esimi senimdilik pen sapanyń sımvolyna aınaldy. Jasyna qaramastan, ol iri otandyq avtoparkterge qyzmet kórsetý naryǵyna B2B qaǵıdatyn engizgen alǵashqy kásipkerlerdiń biri boldy. Bul kompanııalar qatarynda Mycar, Apple City, «Flagman Kazahstan» JShS bar.
Qyzyqty derek – búginde avtoservıs salasynda Raıs Aǵaev pen onyń «Favorite» kompanııasynyń qyzmeti aıtarlyqtaı ózgeristerge sebep boldy. Jas kásipkerdiń bastamasy avtomobılge qyzmet kórsetý naryǵyn transformasııalaýda sheshýshi ról atqaryp, ishki tutynýshylar úshin erejeni túbegeıli ózgertti.
Kompanııanyń basty artyqshylyqtarynyń biri – tehnıkalyq qyzmet kórsetý salasyn avtomattandyrý. Bul ishki prosesterdi tıimdirek uıymdastyrýǵa, ýaqytty únemdeýge jáne qol eńbegin azaıtýǵa múmkindik beredi. Mundaı tásil ónimdilikti arttyryp qana qoımaı, ishki naryqty keńeıtý men tutynýshylar suranysyn ósirýge jol ashady. Bul avtomattandyrý qazirgi zamanǵy kompanııalardyń strategııalyq ósý quraly ekenin kórsetedi.
«Favorite» JShS birneshe jyl buryn shaǵyn jergilikti avtoservıs retinde jumysyn bastaǵan bolatyn. Raıs Aǵaevtyń saýatty basshylyǵynyń arqasynda ol qysqa merzim ishinde qarqyndy damyp, Qazaqstannyń túkpir-túkpirinde ornalasqan avtomattandyrylǵan avtoservıs jelisine aınaldy. Basshylyqtyń negizgi maqsaty – avtomobılderdi jóndeý prosesin júıeleý jáne jańa tehnologııalardy engizý boldy. Bul tásil kólikti dıagnostıkalaýdan bastap jóndeý jumystarynyń tolyq aıaqtalýyna deıingi barlyq kezeńderdi qamtıdy.
Raıs Aǵaevtyń aıtýynsha, «Favorite» JShS tutynýshylar úshin kórsetiletin qyzmet sapasyn barynsha yńǵaıly jáne senimdi etýge kúsh salǵan.
– Sondyqtan bizdiń árbir servıs ortalyǵynda onlaın jazylýǵa jáne avtokóliktiń tehnıkalyq jaǵdaıy jóninde avtomatty túrde habarlama alýǵa múmkindik beretin arnaıy júıe engizilgen. Jóndeý barysyn onlaın baqylaýǵa bolady. Osy arqyly qyzmet kórsetý ýaqyty aıtarlyqtaı qysqaryp, jumysymyz barynsha ashyq bola tústi. Sonyń arqasynda biz kóptegen turaqty klıentterdiń, ásirese iri kompanııalardyń senimine ıe boldyq, – deıdi kásipker.
«Favorite» JShS kompanııasynyń mańyzdy áleýmettik mıssııasy bar – aldaǵy birneshe jylda 100-den astam jumys ornyn ashý. Buǵan naqty negiz bar. Kompanııa qyzmetiniń nátıjesinde Almaty men Astanadan bastap Batys Qazaqstanǵa deıingi qalalarda óz jelisin keńeıtýge qol jetkizdi. Bul kóptegen bilikti mamandar úshin turaqty jumys oryndaryn ashýǵa múmkindik berdi. Olardyń qatarynda mehanıkter, ınjenerler, IT-mamandar men menedjerler bar. Bul, ásirese pandemııadan keıingi kezeńde eńbek naryǵy áli de qıyndyqtarǵa tap bolyp jatqan Qazaqstan ekonomıkasy úshin asa mańyzdy.
Bolashaqqa josparlarymen bólisken Raıs Aǵaev basty maqsaty – jaı ǵana servıstik jeli emes, qyzmetkerlerdi kásibı daıarlaýǵa basymdyq beretin tolyqqandy júıe qurý ekenin atap ótti. Osy maqsatta kompanııa jas mamandardy sertıfıkattaýdyń óz baǵdarlamasyn ázirledi. Tehnıkalyq kolledjdermen áriptestik jas mamandardy óndiristik proseske tez beıimdelýge jol ashady. Kolledj túlekterine beıimdelý kezeńi barynsha qysqarǵan.
Sonymen qatar «Favorit» kompanııasy óz qyzmetin shet elderge de keńeıtýdi josparlap otyr. Qazirdiń ózinde О́zbekstan men Qyrǵyzstan naryǵyna shyǵý múmkindikteri zerttelýde. Raıs Aǵaev Qazaqstanda franchaızıng júıesin damytý ıdeıasyn da kópten beri oılap júrgenin aıtady. Bul kompanııanyń fılıaldaryn kóbeıtip, aýqymyn keńeıtýge jol ashady. Osy maqsatta jasandy ıntellekt sııaqty zamanaýı tehnologııalardy paıdalanyp, avtodıagnostıkany burynǵydan da jyldam ári dál etý kózdelip otyr.
Búginde memleket ekonomıkany damytýǵa múddeli jáne óz qarajatyn jańa ıdeıalarǵa salyp, jumys oryndaryn ashyp jatqan talantty ári bastamashyl kásipkerlerdi qoldap otyr. Bul elimizde bıznes júrgizýge qolaıly jaǵdaı jasalǵanyn kórsetedi. Ásirese ınnovasııalyq jobalarmen aınalysatyn jáne básekege qabiletti kásiporyndardy quratyndar úshin múmkindikter mol. О́ıtkeni dál osyndaı kásipkerler el ómirin jaqsartyp, Qazaqstandy damýǵa jáne órkendeýge jeteleıdi.
Jas kásipkerdiń jetistikteri de eleýsiz qalǵan joq. 2024 jyly Raıs Aǵaev «Qazaqstannyń Qurmetti azamaty» medalimen marapattaldy. Bul marapat el ekonomıkasy men áleýmettik salasynyń damýyna erekshe úles qosqan azamattarǵa beriledi. Mundaı marapattar memlekettik qaıratkerlerge de tabystalatynyn eskersek, bul – úlken mártebe.
Raıs Aǵaev sıfrlyq tehnologııalar, saýatty basqarý jáne áleýmettik jaýapkershilik arqyly tutas salany jańǵyrtyp, ony tabysty etýge bolatynyn dáleldedi. Onyń úlgisi qazaqstandyq kásipkerlerdiń álemdik úrdisterden qalyspaı, kerisinshe, alda kele jatqanyn kórsetedi.