2026 jyldyń 1 qańtarynan bastap elimizde jańa Salyq kodeksi kúshine enedi. Sonyń aıasynda azamattar zeınetaqy tólemderinen jeke tabys salyǵyn (JTS) múlde tólemeıtin bolady. Degenmen, bul jeńildikke deıin de memleket áleýmettik turǵydan osal azamattarǵa birqatar jeńildik usynyp otyr, dep jazady Egemen.kz.
Buǵan deıin turǵyn úı satyp alý nemese emdelý úshin Eńbek jáne halyqty áleýmettik qorǵaý qorynan birjolǵy zeınetaqy tólemin alǵan kezde áleýmettik osal sanattaǵy adamdardan 10% kóleminde JTS birden ustalyp keldi. Alaıda 2024 jyldyń 1 qańtarynan bastap ózgeris engizilip, 882 aılyq eseptik kórsetkishke (shamamen 3,4 mln teńge) deıingi somaǵa standartty shegerim qoldaný tártibi bekitildi. Iаǵnı bul mólsherge deıingi zeınetaqy tólemi salyqtan bosatylady.
Eń basty jańalyq – osy jeńildikti buryn paıdalana almaǵandar úshin de múmkindik ashylyp otyr. Eger azamat bir jolǵy zeınet aqy tólemin 2021–2022 jyldary alǵan bolsa jáne JTS-ty qaıtarý týraly ótinish berip úlgermegen bolsa, endi oǵan 5 jyl merzim berildi (buryn bul 3 jylmen shekteletin). Bul ózgeris 2025 jyldyń 15 shildesinen bastap kúshine endi.
Salyqty qaıtaryp alýǵa birinshi, ekinshi jáne úshinshi toptaǵy múgedektigi bar azamattar, múmkindigi shekteýli bala tárbıelep otyrǵan ata-analar men qamqorshylar, jetim balalardy tárbıeleýshi otbasylar, soǵys ardagerleri jáne basqa da sanattaǵy adamdar quqyly.
О́tinishti Biryńǵaı jınaqtaýshy zeınetaqy qorynyń kez kelgen bólimshesine berýge bolady. Eger ótinish qanaǵattandyrylsa, artyq tólengen salyq zeınetaqy shotyna qaıtarylady nemese bolashaqta tólenetin zeınetaqy tólemderinen ustalyp qalmaıdy.
Aıta ketý kerek, bul ereje tek 2025 jyldyń sońyna deıin qoldanylady. Al 2026 jyldan bastap kúshine enetin jańa Salyq kodeksi boıynsha barlyq zeınetaqy tólemderi jeke tabys salyǵynan tolyq bosatylady. Bul – áleýmettik ádilettilikti nyǵaıtý jolyndaǵy mańyzdy qadam.