Qyzylorda qalasynyń №2 soty oblystyq ınfeksııalyq aýrýhanaǵa medısınalyq kereýetterdi qymbat baǵaǵa satyp alýǵa qatysty atyshýly iske úkim shyǵardy. Daýdyń ortasynda aýrýhananyń bas esepshisi, onyń inisi jáne azamattyq nekedegi jary boldy, dep habarlaıdy Egemen.kz.
Qarjylyq monıtorıng agenttiginiń habarlaýynsha, aýrýhana jeke kompanııamen 220 kereýettiń árqaısysyn 1,2 mıllıon teńgeden satyp alý týraly kelisimshart jasaǵan. Alaıda naryqtaǵy ortasha baǵa 460 myń teńgeden aspaǵan. Bul mámile memleketke 157,7 mıllıon teńge zalal keltirgen.
Tergeý barysynda aıyptalýshylar kinásin tolyq moıyndap, keltirilgen shyǵyndy ótegen. Osyǵan baılanysty prosessýaldyq kelisimge qol jetkizilgen.
Sot QR QK 189-baby 4-bóligi 2-tarmaǵy («Aldyn ala sóz baılasý arqyly adamdar tobymen asa iri kólemde urlyq jasaý») boıynsha kináli dep tanyp, árqaısysyna alty jyl bas bostandyǵynan aıyrý jazasyn taǵaıyndady. Sonymen qatar, belgili bir laýazymdardy atqarýǵa jáne kásipkerlikpen aınalysýǵa tyıym salyndy.
Alaıda, Qazaqstan Konstıtýsııasynyń 30 jyldyǵyna oraı jarııalanǵan raqymshylyqqa baılanysty jazanyń úshten biri qysqartylyp, olar shartty túrde tórt jylǵa sottaldy.