Talaptyǵa baǵyt beredi

2018 jyly Qazaqstan men Reseıdiń shekaralyq óńirleri yntymaqtastyǵynyń kezekti sammıti Qyzyljar qalasynda ótetin bolyp, oǵan keletin mártebeli qonaqtarǵa arnalǵan jıyn ótkizýge osy ǵı­marat tur­ǵyzylǵan edi. Sam­mıtten ke­ıin ǵımarat Oqýshy­lar saraıyna aınaldy. Ony osy kúnniń sánimen aǵylshyn tilinde Digital Urpaq (bolashaq urpaq nemese sózbe-sóz «sandyq» urpaq) dep te ataıdy.

Qazir bul oryndy oqýshy­lar­dyń IT-tehnologııany ıgerý­degi avangard ortalyǵy deýge tolyq negiz bar. Munda joba­lyq zertteýlerge, ǵylymı-teh­nı­ka­lyq shyǵarmashylyqqa ba­symdyq beriledi. Talapty oqý­shy balalarǵa aınalysa­tyn dúnıeler je­terlik. Jumys baǵyttary qatarynda IT tehnologııadan basqa ǵylymı-bıologııalyq, kórkem-estetı­kalyq, kórkem mektep, bıznes mektebi, jýrnalıstıka jáne medıatehnologııa, debat klýby jáne KVN bar. «Biz mektepte berilgen oqý-bilim­di or­nyqtyrýǵa kó­mek bere­miz. Qo­symsha bilim bola­shaq ma­man­dyq tańdaýǵa da jol asha­dy. Osyndaı ortalyq ashyp bergen jergilikti bılik­ke ár­qashan rızashylyǵy­myz­dy bildiremiz», deıdi ortalyq dırektory Dına Ábilmájinova.

Bıylǵy jazǵy demalys aılary bastalǵaly beri munda 2 myń­daı oqýshy «jazǵy akade­mııaǵa» qatysty. Alty túrli maýsymnan turatyn onyń taqy­ryptary da ártúrli. Qazir «MIH» atty tórtinshi maýsym ótip jatyr. Sonyń ishinde «El­doradoǵa sapar» atty til­dik kvest degen taqyryp ba­la­lar­dy qyzyqtyra túsken. Mun­da balalar qazaq jáne aǵyl­shyn tilderi boıynsha ǵylym men shyǵarmashylyqqa tár­bıelenedi. «Biz kvesti toly­ǵymen aǵylshyn jáne qazaq tilinde ótkizemiz. Ustaz balalar­ǵa aǵylshyn tilinde tapsyrma­lar men jumbaqtar aıtady. Balalar jaýabyn tek aǵyl­shyn nemese qazaq tilinde beredi. Keıde qatelesip qalsa janyn­daǵy balalardan surap, bári de tez ári durys jaýap berýge tyrysyp, talasyp, aıtysyp ta jatady», deıdi dırektordyń IT jónindegi orynbasary Damır Mustafın.

Osynyń ózi balalardyń qazaq jáne aǵylshyn tiliniń leksı­kasyn ıgerýine kómektesedi eken. Oqýshylar sabaqtan shyqqan soń da bir-birimen qazaq jáne aǵylshyn tilinde aıtysyp bara jatatyn kórinedi. Saıyp kelgende, jastardyń memlekettik jáne halyqaralyq tildi er­kin ıgerýine osyndaı pikirsaıys­tyń paıdasy zor.

PETROPAVL