2004 jyly Berlınniń «Ýnıon» fýtbol klýby 4-dıvızıonǵa qatysý jarnasyn tóleýge jetkilikti qarjy taba almady. Sol kezde klýbtyń jankúıerleri qan tapsyrý aksııasyn uıymdastyryp, qajetti 1,5 mln eýrony jınap berdi.
Arada tórt jyl ótkende «Ýnıon» taǵy da tyǵyryqqa tireldi. Naqtyraq aıtqanda, klýbtyń «An der Alten Fıorsteraı» stadıonyn qaıta jóndeý qajet boldy, biraq osy joly da aqsha máselesi adymdy ashtyrmaı qoıdy. Sol kezde eki myńnan astam jankúıer qurylys jumystaryna ózderi tikeleı atsalysyp, tegin jumys istep, stadıondy óz qoldarymen jańartyp shyqty. Osylaısha, «Ýnıon» fýtbol klýbynyń jankúıerleri súıikti klýbyn tek trıbýnadan qoldaýmen shektelmeı, naǵyz janashyrlyqtyń úlgisin kórsetti.