Sýyq habar qashan da janyńdy kúızeltedi... Qazaqstannyń Halyq qaharmany, Reseı batyry, ataqty ǵaryshker-ushqysh Talǵat Musabaevtyń mezgilsiz qazasy qabyrǵamdy qaıystyrdy.
1991 jyly qazaq halqynyń júregin qolyma alyp tuńǵysh ret ǵaryshqa attanǵanda Talǵat Amangeldiuly maǵan qosalqy ǵaryshker bolyp tirkelip edi. Araǵa úsh jyl salyp, ol ǵaryshker-bortınjener sanatynda ǵarysh kógine shyqty.
Talǵat Amangeldiuly qazaqtan shyqqan naǵyz kásibı, bilgir ǵaryshker! Jalpy jıyntyǵy 341 táýlikke sozylǵan 3 ǵarysh ekspedısııasyna qatysty. Ol – ashyq ǵarysh keńistigine 8 ret shyǵyp, 42 saǵattan astam ýaqyt bolǵan tuńǵysh qazaq. Ǵaryshtaǵy sol erligi úshin esimi Gınnestiń rekordtar kitabyna jazyldy. Tuńǵysh ǵarysh týrısi amerıkalyq Dennıs Tıtony ǵarysh kóginde 8 táýlik saparlatyp, aman-esen Jerge alyp keldi. Ol da – úlken erlik!
Qazaqstan ǵarysh zertteý salasy qaıǵyrý ústinde. О́ıtkeni bul salaǵa Talǵat Amangeldiulynyń sińirgen eńbegi ólsheýsiz.
Mezgilsiz qazanyń salmaǵy halyqtyń júregine aýyr tıip otyr.
Men halqyma, Talǵat Amangeldiulynyń jan jary Vıktorııa Voldemarovnaǵa, etjaqyn týystaryna qaıǵyryp kóńil aıtamyn.
Baqul bol, Halyq qaharmany!
Janyń jánnatta bolsyn!
Toqtar ÁÝBÁKIROV,
qazaqtyń tuńǵysh ǵaryshkeri