Ulttyq bıznes-reıtıng keńesi Qazaq ǵylymı-zertteý mádenıet ınstıtýtyna joǵary qarjylyq-ekonomıkalyq kórsetkishi úshin «2015 jyldyń sala kóshbasshysy» aıtýly reıtıngtik baǵdarlamasynyń marapatyn tapsyrdy.
Mádenıet ınstıtýty Almaty qalasynyń kásiporyndary arasyndaǵy «Áleýmettik salyq» atalymynda ekinshi oryndy jáne Qazaqstan Respýblıkasy kásiporyndary arasynan «Korporatıvtik tabys salyǵy» atalymy boıynsha segizinshi oryn úshin biregeı belgilerdi aldy. Instıtýttyń bas dırektory A.Hazbýlatov «Ekonomıka maqtanyshy» ordenine ıe boldy, al bas dırektordyń orynbasary A.Tólesh «Kásibı jetistikteri úshin» medalimen marapattaldy. Mekemeniń bas esepshisi S.Baıbosynova «2015 jyl mamany» atalymy sertıfıkatyn aldy.
Baǵdarlama quryltaıshylarynyń sózine qaraǵanda, ulttyq bıznes-reıtıngtiń kóshbasshylary atanǵan jańa sıpattaǵy zamanaýı kásiporyndar óz qyzmetteri arqyly eldiń keleshegin anyqtaıtyn ujymdar bolyp tabylady. Olar bıznestiń jańa standarttary men zamanaýı tehnologııalaryn engizip, álemdik tájirıbeni belsendi túrde zertteýge jáne jańa bastamalarǵa umtylady.
Osy oraıda mynany atap aıtý kerek, «2015 jyldyń sala kóshbasshysy» reıtıngtik baǵdarlamasynyń júldeleri statıstıkalyq saralaý nátejesi boıynsha salyq jáne bıýdjetke tólenetin basqa da mindetti tólemderdi tóleý aqparaty negizine sáıkes tabystalady.
«Egemen-aqparat».