Bul týraly búgin Úkimet otyrysynda Saýda jáne ıntegrasııa mınıstri Arman Shaqqalıev aıtty, dep jazady Egemen.kz.
Memleket basshysynyń ataýly áleýmettik kómekke kóshý jónindegi tapsyrmasy sheńberinde Qazaqstanda baǵalardy baqylaýdy kúsheıtýge jáne halyqtyń áleýmettik osal toptaryna qoldaý kórsetýge baǵyttalǵan sharalar iske asyrylyp jatyr.
«Biz áleýmettik mańyzy bar azyq-túlik taýarlaryna 15% saýda ústemesin baqylaýdy kúsheıtýge kóshemiz. Sonymen qatar, tıimdi basqarý sheshimderin qabyldaýǵa múmkindik beretin ÁMAT baǵasyn taldaý modýli iske asyrylýda», dedi Saýda jáne ıntegrasııa mınıstri Arman Shaqqalıev.
Sonymen qatar ataýly áleýmettik kómek alýshylarǵa azyq-túlik vaýcherlerin usyný boıynsha pılottyq joba iske qosylyp jatyr. Vaýcher áleýmettik mańyzy bar azyq-túlik taýarlardy saýda ústemesiz baǵasyna satyp alýǵa múmkindik beredi. Pılottyq jobaǵa Aqkól, Kókshetaý jáne Pavlodar qalalarynda 5 myńǵa jýyq AÁK alýshy qatysady.