Bul týraly Sıfrlyq damý, ınnovasııalar jáne aeroǵarysh ónerkásibi vıse-mınıstri Dmıtrıı Mýn búgingi Úkimet otyrysynda saýda salasyn sıfrlandyrýdy damytý máseleleri jaıynda baıandady, dep habarlaıdy Egemen.kz.
Ol qazirgi tańda saýda salasynda ártúrli memlekettik organdar kórsetetin memlekettik qyzmettiń 66 túri bar ekenin atap ótti. 2024 jyldyń qorytyndysynda 17 myńnan astam qyzmet 100% onlaın formatta kórsetilgen.
Úkimettiń málimetinshe sıfrlandyrý aldynda mınıstrlik reınjınırıng prosesterine qatysty jumystar júrgizedi. Mysal retinde «elektrondy sertıfıkat» keısin aıtýǵa bolady. Uzaq ýaqyt boıy bul salada «sur» sertıfıkattar tirkeýsiz jáne naqty ólshemsiz jappaı shyǵaryldy, sondaı-aq qujattardyń túpnusqalyǵyn tekserý úshin biryńǵaı derekter bazasy bolmady.
2024 jyly reınjınırıng iske asyrylǵannan keıin prosess tolyǵymen sıfrlandyryldy. Nátıjesinde «Tehnıkalyq retteý» júıesinde sertıfıkattardy mindetti túrde tirkeý engizilip, jalpyǵa qoljetimdi QR arqyly zańdylyqty tekserý múmkindigi iske asty.
«Nátıjesinde berilgen sertıfıkattar sany 2 mıllıonǵa deıin ulǵaıdy jáne 20 mıllıard teńgege jýyq qarajat kóleńkeli ekonomıkadan shyǵaryldy», dep atap ótti vıse-mınıstr Dmıtrıı Mýn.