Oblys ákiminiń tapsyrmasymen Qyzylorda oblysyndaǵy qalalar men eldi mekenderdiń aýmaqtaryn abattandyrý, jer jáne qurylys salasyndaǵy keıbir máselelerdi retteý úshin arnaıy jumysshy top quryldy. Top osy kúni oblys aýmaǵynda qurylysy júrip jatqan 555 kásipkerlik nysanǵa qatysty qujattardy qaraý ústinde, dep habarlaıdy Egemen.kz.
Oblystyq memlekettik sáýlet-qurylys baqylaýy basqarmasy basshysynyń orynbasary Mádı Áliptiń aıtýynsha búginde 175 nysan zańdastyrylyp, 81 nysannyń zańsyz salynǵany anyqtalǵan. Olardyń ıelerine 214 hattama toltyrylyp, 86 579 960 teńge aıyppul salynypty.
«Qyzylorda qalasynda 4 kásipkerlik nysan buzyldy, qazir KBI móltek aýdanynda páterdiń zańsyz salynǵan qosymsha qurylysyn buzdyrýǵa sot sheshimi shyqty», deıdi basqarma basshysynyń orynbasary.