О́SKEMEN. 17 aqpan. «Nur otan» partııasynyń О́skemen qalalyq fılıalynyń uıymdastyrýymen shahardaǵy birqatar yqshamaýdandardyń turǵyndarymen kezdesý ótti. Bul týraly egemen.kz tilshisi habarlady.
Kezdesýge Zashıta jáne Munaı bazasy yqshamaýdanynyń turǵyndary men «Temir jol kásiporny», №9 ózin-ózi basqarý aımaqtyq keńesi, temir jol ardagerler keńesi, Zashıta ishki ister bólimi jáne bastaýysh partııa uıymdarynyń ókilderi qatysty.
Jıynda densaýlyq saqtaý salasyn damytýdyń 2011-2015 jyldarǵa arnalǵan «Salamatty Qazaqstan» memlekettik baǵdarlamasy talqylanyp, «Aıqyn tarıf», «Stop-qylmys» partııalyq jobasy sheńberinde bastaýysh partııa uıymdarynyń atqaryp jatqan jumysy tyńdaldy.
– «Aıqyn tarıf» partııalyq jobasyn júzege asyrýda arnaıy partııalyq baqylaý beketi kúndelikti azyq-túlik baǵasyn qadaǵalaý boıynsha óz jumysyn júıeli atqarýda. Aıtalyq, kartop, jumyrtqa baǵasy áleýmettik turaqtandyrý qory dúńgirshekterinde dúkendegi baǵadan 30-40 teńgege arzan baǵamen satylady. Bastaýysh partııa uıymdary belsendileriniń qatysýymen kóptegen is-sharalar atqarylýda. Ásirese, mektep oqýshylary, ardagerler keńesi, jastardyń «Tımýr» komandasy búginge deıin ardagerler men tyl eńbekkerlerine qolǵabys etip keledi, – dedi bastaýysh partııa uıymynyń tóraǵasy Rýstam Asqaruly.
Zashıta yqshamaýdanyndaǵy bastaýysh partııa uıymdarynyń ókilderi «Stop-qylmys» jobasy aıasynda temir jol bólimshesi jáne polısııa qyzmetkerlerimen birlesip, quqyqbuzýshylyqtyń aldyn alý jumystaryn, arnaıy erikti toptarmen reıd júrgizetindikterin tilge tıek etti.
Jıynǵa qatysqan «Nur Otan» partııasy oblystyq fılıaly tóraǵasynyń birinshi orynbasary Nurlybek Sherýbaev Elbasynyń «Nurly jol – bolashaqqa bastar jol» atty Joldaýynyń negizgi baǵyttary men álemdik daǵdarystan shyǵý joldary jóninde aıta kelip, bastaýysh partııa uıymdarynyń partııanyń negizgi bastamashyl kúshi ekendigin atap ótti. N.Sherýbaevtyń aıtýynsha, 12 partııalyq joba sheńberinde bastaýysh partııa uıymdary atqarǵan jumystardyń nátıjesi aldaǵy ýaqytta talqylanatyn bolady.
Kezdesý sońynda «Nur otan» partııasy О́skemen qalalyq fılıaly tóraǵasynyń birinshi orynbasary M.Ekibasova atalǵan jumystardyń jalǵasyn tabatyny jóninde aıtty. Al partııanyń oblystyq fılıaly tóraǵasynyń birinshi orynbasary N.Sherýbaev jańadan qabyldanǵan múshelerge partııa bıletterin saltanatty túrde tabys etti.
Dýman Anash.
Derek: egemen.kz.
Sýret: «Nur Otan» partııasy ShQO fılıaly.