Bıylǵy «Oraq-2025» qarsańynda Mamlıýt aýdanyndaǵy ozyq sharýashylyqtyń biri - «Mambetov ı K» kommandıttik seriktestiginiń bazasynda oblystyq semınar ótti. Ol «Uly dala astyǵy -2025» ataldy, dep habarlaıdy Egemen.kz.
Onyń jumysyna oblys ákimi Ǵaýez Nurmuhambetov, Aýylsharýashylyǵy mınıstriniń orynbasary Amanǵalı Berdalın, oblys ákiminiń birinshi orynbasary Marat Tasmaǵambetov, aýdan ákimderi, sharýashylyq basshylary, depýtattar men jýrnalıster qatysty.
Bıyl oblys 4,3 mln ga jerge astyq ekken. Sonyń 3 mln gektardan astamy astyq jáne 1 mln ga jýyǵy maıly daqyldar. Bıyl astyq shyǵymdy, tek endi alda jaýyn-shashyn az kezde tókpeı-shashpaı jınap alý maqsaty tur. Jınalǵandarǵa búgingi tańdaǵy astyqtyń rynoktyq hal-ahýaly baıandalyp, orý, saqtaý jumystaryna arnalǵan jańa tehnıkalar kórsetildi.