О́SKEMEN. 17 aqpan. О́skemende múlikti zańdastyrý barysynyń málimetteri belgili boldy. Bul týraly egemen.kz tilshisi habarlady.
2015 jyldyń 13 aqpanynda tirkelgen sońǵy málimet boıynsha, О́skemen qalasynyń múlikti zańdastyrý komıssııasynyń hatshylyǵy jalpy kólemi 1 922 867,0 myń teńge bolatyn múlikti zańdastyrý boıynsha 274 ótinishti qabyldady. Onyń ishinde turǵynjaı boıynsha – 89, turǵynjaı emes – 185 (onyń 38-i kommersııalyq) nysan bar.
Komıssııa osyǵan deıin jalpy somasy 582 890 myń teńge bolatyn 40 nysandy zańdastyrýdan bas tartsa, jalpy somasy 951 482 myń teńgelik 209 nysandy zańdastyrý týraly ótinimdi qanaǵattandyrdy. Al somasy 388 495 myń teńgelik 25 nysandy zańdastyrý jónindegi sheshimdi qabyldaý ýaqyty áli kelmegen.
Is júzinde zańdastyrylǵan 209 nysannyń ishinde 72 úı, 58 kólikjaı, 65 baý-baqshalyq úı, 12 óndiristik nysan bar. Zańdastyrýdan bas tartqan nysandar qatarynda sotta talas týyp jatqan bir nysan, Ertis jáne Úlbi ózenderiniń sýdan qorǵaý beldeýinde turǵan 12 nysan jáne Úkimet qaýlysymen bekitilgen («Aqshadan basqa») Múlikti zańdastyrýdy júrgizýdi uıymdastyrý erejesiniń» 13 babynda qarastyrylǵan talaptarǵa saı emes 27 nysan barlyǵy belgili boldy.
Aıta ketken abzal, О́skemen qalasy boıynsha múlikti zańdastyrý komıssııasynyń mekenjaıy: О́skemen qalasy, Protozanov kóshesi, 37A úı, 2 qabat, 10 kabınet. Telefony – 8(7232)260-090. Komıssııanyń otyrysy ár aptanyń juma kúni saǵat 10.00-de bastalady.
Dýman Anash.
Derek: egemen.kz.
Sýret: kapital.kz.