Búgin 22 jasqa deıingi boksshylar arasynda Azııa chempıonatynyń jartylaı fınaldyq básekeleri bastaldy. Bul synda elimizdiń 5 boksshysy fınalǵa joldamany sarapqa salady, dep jazady Egemen.kz.
Búgin Bangkok rıngine alǵash bolyp 60 kelide Nurıslam Qaldybaev shyqty. Ol Býtandyq bylǵary qolǵap sheberin 1-raýndta nokaýtqa jiberdi. Dechen Dorjı búıirden alǵan soqqydan keıin, básekeni merziminen buryn aıaqtaýǵa májbúr boldy.
Endi otandasymyz fınalda О́zbekstan boksshysymen altyn úshin aıqasady.
70 kelide Nurbek Mýrsal da jartylaı fınaldy jeńispen túıindedi. Ol Malaızııa ókili Mýhammad Arıf Farıd 5: 00 esebimen aıqyn jeńdi.
Nurbek Mýrsaldyń da sheshýshi syndaǵy qarsylasy ózbekstandyq sportshy.
Endi rıngke 65 kelide Ilıa Kalının, 80 kelide Sanjaráli Begalıev pen 90 kelide Temirlan Muqataev shyǵady.
Aıta keteıik, 22 jasqa deıingi boksshylar quramasyn Baqyt Sársekbaev baptaıdy.