Qazgıdromettiń sınoptıkteri 7, 8 jáne 9 tamyzǵa arnalǵan aýa raıy boljamyn usyndy, dep habarlaıdy Egemen.kz.
Qysqa merzimdi salqyndaýdan keıin elimizdiń ońtústik óńirleri qaıtadan jyly ári qurǵaq aýa massalarynyń yqpalynda bolady. Sınoptıkterdiń málimetinshe, 8 tamyzdan bastap Iran aýmaǵynan jyly aýa kele bastaıdy, bul kúndizgi temperatýranyń +35…+41 gradýsqa deıin kóterilýine alyp keledi.
«Al soltústik óńirler bolsa, áli de sýyq aýa massalarynyń yqpalynda bolady – naızaǵaıly jańbyr jaýady, keı jerlerde qatty jaýyn men burshaq bolýy múmkin», dedi sınoptıkter.