2025 jylǵy 25 shildede Almaty oblysynda josparly ushý kezinde Qazaqstan Respýblıkasy Qarýly Kúshteriniń Áýe qorǵanysy kúshterine tıesili EC-145 tikushaǵy radardan joǵalyp ketken edi. Búgin Úkimet úıinde ótip jatqan baspasóz konferensııasynda tikushaqty izdeý jumystary qanshalyqty nátıjeli júzege asyrylyp jatqany suraldy, dep jazady Egemen.kz.
BAQ tarapynan qoıylǵan saýalǵa Tótenshe jaǵdaılar vıse-mınıstri Kegen Tursynbaev jaýap berdi. Vıse- premerdiń aıtýynsha tikushaq bólshekteri tabylǵan Sorbulaq kóliniń 50 paıyz aýmaǵynda izdeý jumystary aıaqtalǵan.
«Almaty oblysyndaǵy Sorbulaq kóliniń tereńdigi 5-25 metrdi quraıdy. Kól túbi balshyq, sondyqtan aldaǵy 1 metr ǵana kórinedi. Izdeý jumystaryn júrgizý úshin barlyq quraldar jetkilikti. Izdeý jumystary mınıstrdiń baqylaýynda», dedi Kegen Tursynbaev.
Aıta keteıik, tótenshe oqıǵa bolǵan kúni Qazaqstan Respýblıkasy Qorǵanys mınıstriniń tapsyrmasy boıynsha mán-jaıyn anyqtaý úshin arnaıy komıssııa qurylǵan bolatyn. Izdeý jumystary bastalǵaly 10 kún ótse de tikushaq pen ekıpaj músheleri tabylǵan joq. Jumys barysynda eholot, dron jáne sýasty qurylǵylary qoldanylyp jatyr.