О́SKEMEN. 17 aqpan. Aǵymdaǵy jyldyń 20 naýryzynan bastap «BEK AIR» áýe kompanııasy «О́skemen-Úrimji» baǵyty boıynsha charterlik áýe tasymalyn júzege asyra bastaıdy. Bul týraly egemen.kz tilshisi habarlady.
Shyǵys Qazaqstan oblysynyń Jolaýshylar tasymaly jáne avtokólik joldary basqarmasynyń málimeti boıynsha, áýe baǵytynyń jıiligi aptasyna bir ret bolmaq. Iаǵnı juma kúni barý-qaıtý baǵyty oryndalady. О́skemennen ushý ýaqyty – saǵat 9.30-da bolsa, Úrimjige qoný ýaqyty – (Úrimji ýaqytymen) saǵat 12.55-te. Al Úrimjiden ushý – (Úrimji ýaqytymen) saǵat 14.55-te, О́skemenge qoný – (Astana ýaqytymen) – 14.25-te.
Bir baǵytqa qaraı ekonom-klass bıleti 40 myń teńge, bıznes-klass – 55 myń teńge turady. Al barý-qaıtý baǵyttarynyń bıleti 14 kún jáne odan da buryn satyp alǵan jaǵdaıda ekonom-klass – 69 myń teńgege, bıznes-klass – 84 myń teńgege aınalady. Al ushýǵa deıingi 14 kún ishinde satyp alatyn bılet quny 79 myńnan 94 myń teńgege deıin turady.
Áýe tasymaly 85 oryndyq «Fokker 100» áýe kemesi arqyly oryndalady. Sondaı-aq QHR aýmaǵy boıynsha áýe tasymaldarymen toǵystyrý qarastyrylǵan.
Dýman Anash.
Derek: egemen.kz.
Cýret: altaynews.kz.