Bul týraly búgin Úkimet úıinde ótip jatqan baspasóz konferensııasynda Premer-mınıstrdiń orynbasary Qanat Bozymbaev aıtty, dep jazady Egemen.kz.
Bozymbaevtyń aıtýynsha, qazirgi tańda jer úılerdi saqtandyrý júıesine baılanysty sharalar halyqaralyq banktermen birge talqylanyp jatyr.
Tólemdi jylyna 1 ret júrgizý josparlanǵan. Al onyń kólemi úı sapasyna qaraı naqtylanady.
Jer úılerdi saqtandyrý jer silkinisi, sý tasqyny, órt bolǵan jaǵdaılarda tyǵyryqtan shyǵý kezinde mańyzdy bolmaq.
Bul tólem jer silkinisi jıi bolatyn ońtústik jáne shyǵystaǵy aýyl úıleri úshin mindetteledi.
Aıta keteıik, qazir baspanany saqtandyrýdyń erikti túri ǵana bar. Erikti saqtandyrýdyń ózi ıpoteka úshin ǵana belgilengen. Al resmı derekke súıensek, el aýmaǵynyń 75%-y jer silkinisi, tasqyn, orman órti sııaqty tabıǵı apattar qaýpi joǵary aımaqqa jatady. 2024 jyly tótenshe jaǵdaılardan kelgen shyǵyn 460 mlrd teńgege jetip, 2023 jylmen salystyrǵanda 2,6 ese ósken.