Atyraý oblysynda arnaıy komıssııa áleýmettik mańyzy bar azyq-túlik taýarlary baǵasyn turaqtandyrý úshin monıtorıng júrgizip keledi, dep jazady Egemen.kz.
Oblystyq kásipkerlik jáne ónerkásip basqarmasynyń bólim basshysy Rızabek Musaǵalıevtiń pikirinshe, basty maqsat – baǵanyń negizsiz ósýine jol bermeý, áleýmettik turmysy tómen turǵyndar úshin qoljetimdiligin qamtamasyz etý.
«Jyl basynan beri deldaldyq qyzmet boıynsha qurylǵan komıssııanyń músheleri kásipkerlik sýbektilerine azyq-túlik baǵasyn negizsiz ósirmeý jóninde túsindirý jumysyn júrgizdi. Zańdylyqqa sáıkes áleýmettik mańyzy bar azyq-túlik taýarlaryna qosylatyn ústeme 15 paıyzdan aspaýy qajet. Alaıda, atalǵan azyq-túlikterdi 15 paıyzdan artyq ústeme baǵamen tasymaldaǵan 20 kóterme jetkizýshi anyqtaldy. Olarǵa Ákimshilik quqyq buzýshylyq týraly kodeksiniń 204-4-babyna sáıkes aıyppul salyndy», deıdi Rızabek Musaǵalıev.