ASTANA. 17 aqpan. Budan birneshe kún buryn Qorǵanys mınıstrligi ǵımaratynyń mańynda bolǵan jarylystan qaza tapqan podpolkovnık Arman Syzdyqovtyń qyzmetindegi taýar-materıaldyq qundylyǵy 798,6 mıllıon teńgege kem bolyp shyqqan. Bul týraly «Megapolıs» gazeti habarlady.
Eske sala keteıik, jarylys Astanada 10 aqpan kúni Qorǵanys mınıstrliginiń janynda, Dostyq kóshesiniń boıynda boldy. Chevrolet markaly kóliginde bolǵan Syzdyqov alǵan jaraqattarynan sol jerde qaza tapty. Basqa eshkim zardap shekken joq.
Buqaralyq aqparat quraldarynyń málimdeýinshe, jetispeýshilik týraly 2015 jyldyń basynda júrgizilgen ınspektorlyq tekseris barysynda anyqtalǵan. Astanada bolǵan jarylystan qaza tapqan qarýly kúshterinde aqparattandyrý jáne telekommýnıkasııa bas basqarmasynyń esep baǵdarlamasymen qamtamasyz etý jáne esepteý tehnıkasymen jabdyqtaý bóliminiń basshysy Syzdyqovta 8 ataý boıynsha taýar-materıaldyq qundylyǵy kem shyqqan. Qandaıda bir aqtaıtyn qujattar ázirshe tabylǵan joq. Basqarmanyń burynǵy basshysy Meıirjan Jumadilovtiń 2014 jyly qarashada «qyzmettegi quqyqqa qaıshy áreketterine baılanysty» qyzmetinen shettetilgeni belgili. Bul basshy tek bas basqarma basshysynyń mindetin atqarǵan.
Sonymen qatar, podpolkovnıktiń jeke ómirine qatysty málimetter anyqtaldy. Syzdyqov anasy ómirden ótkennen keıin qatty qaıǵyrǵan. Ol 2001 jyly qaıtys bolǵan, óliminiń bir nusqasynda sýısıd qarastyrylǵan. Ofıser nevropatologtyń qyzmetine birneshe ret júgingen. Ol 2003 jyly Almatydaǵy áskerı-klınıkalyq gospıtalda jatyp emdelgen. Oǵan aýrý sındromdary bar ekinshi dárejeli oń jaqtyń nefroptozy degen dıagnoz qoıyldy. Sonymen qatar, remıssııa satysyndaǵy oń jaqtaǵy sozylmaly pıelonefrıttiń qaıtalanýy...», biraq beıbit ýaqytta qyzmetke jaramdy dep tanyldy.
Syzdyqovtyń jeke ómirine de qatysty jańa málimetter bar. Týystarynyń aıtýlarynsha, onyń eki otbasysy bolǵan. Podpolkovnık óler shaǵyndaǵy sońǵy hatynda amanatyn zańdy jary Gaýharǵa emes, azamattyq nekedegi áıeli Aımanǵa aıtqan. Al hat kólik júksalǵyshynda bolǵandyqtan, jarylys kezinde búlinbegen. Keıin Qorǵanys mınıstri Imanǵalı Tasmaǵambetov hattyń túpnusqa ekenin jáne onda famılııalardyń atalǵanyn rastady.
Bularǵa qqosa, áskerı qyzmetkerdiń kompıýterlik oıyndardyń qumar oıynshysy bolǵany anyqtaldy. Áleýmettik jelilerde ol ózin «Nomad» degen laqap atpen ataǵan.
Aqparat quralynyń málimetinshe, jarylǵan áskerı granat Jarkent motoatqyshtar polkindegi qyzmeti kezinen saqtalyp qalýy múmkin.
Astanadaǵy jarylysty tergep jatqan Qazaqstan Ishki ister mınıstrligi áskerı-tergeý basqarmasy «О́zin-ózi óltirýge ıtermeleý jáne «Jarylǵysh zattar men jarylǵysh quraldardy zańsyz saqtaý jáne alyp júrý» baptary boıynsha qylmystyq is qozǵady.
Qurysh Nurymbet.
Derek, sýret: Megapolıs.