Memleket basshysy Qasym-Jomart Toqaevtyń «Ádiletti Qazaqstan: zań men tártip, ekonomıkalyq ósim, qoǵamdyq optımızm» Joldaýynda belgilengen strategııalyq bastamalardy iske asyrý men QR Premer-mınıstri Oljas Bektenovtiń tapsyrmasyn oryndaý maqsatynda Qarjy mınıstrligi shekara mańyndaǵy kedendik ınfraqurylymdy jańǵyrtýdyń keshendi baǵdarlamasyn júzege asyryp keledi. Birinshi kezeńde QHR jáne О́zbekstanmen aradaǵy shekaralyq aımaqtarda tórt zamanaýı ótkizý pýnkti paıdalanýǵa berildi. Osy arqyly júkterdiń aǵyny edáýir artyp, syrtqy ekonomıkalyq qatysýshylardyń jaǵdaıy jaqsara tústi, dep jazady Egemen.kz.
QR QM Memlekettik kirister komıteti baspasóz qyzmetiniń habarlaýynsha, Mańǵystaý oblysyna jasaǵan jumys saparynda Qarjy mınıstrliginiń apparat basshysy Ernar Erjanov Memlekettik kirister komıtetiniń basshylyǵymen birlesip, «Tájen» jáne «Temir baba» shekaralyq ótkizý pýnktterine baryp qaıtty.
«Temir baba» ótkizý pýnkti – Qazaqstannyń Túrikmenstan Respýblıkasymen shekarasynda ornalasqan jalǵyz avtomobıl ótkizý pýnkti bolyp sanalady. Onyń geografııalyq ornalasýy sheteldik tasymaldaýshylarǵa Túrikmenstan arqyly Túrkııaǵa, Pákistanǵa, Aýǵanstanǵa, BAÁ-ge jáne basqa da elderge shyǵýǵa jol ashyp otyr. Iаǵnı, Eýropadan atalǵan elderge jóneltiletin barlyq taýar men azyq-túlik «Temir Baba» (irgeles pýnkt – «Garabogaz») arqyly ótedi. Budan basqa elimizdiń aýmaǵyna Túrkııadan halyq kóp tutynatyn túrli taýar men munaı-gaz ónerkásibine arnalǵan jabdyqtar ımporttalady. Túrikmenstan men Pákistannan Mańǵystaý óńirine ishki naryqqa arnalǵan kókónister men jemister jetkiziledi.
«Tájen» ótkizý pýnkti Qazaqstan-О́zbekstan shekarasynda, atap aıtqanda elimizdiń batysynda jatyr. Bul jer Ortalyq Azııany Reseımen jáne Eýropamen baılanystyratyn óńirdegi jalǵyz avtomobıl ótkizý pýnkti bolyp esepteledi. «Tájen» arqyly negizinen Reseıge jáne úshinshi elderge (sonyń ishinde Eýropaǵa) tranzıttik júkter (90%) ótkizilip keledi, sondaı-aq osy aýmaq arqyly О́zbekstannan Reseıge eńbek mıgranttary qatynap júr.
Atalǵan nysanda qurylys jáne tehnıkalyq jumystar júrgizilip jatyr: qozǵalys jolaqtary keńeıtilip, zamanaýı ınspeksııalyq-tekserý keshenderi, avtomatty salmaq qondyrǵylary jáne sıfrly baqylaý júıeler ornatylyp keledi. Jańǵyrtý jumystaryna qaramastanótkizý pýnkti júkterdiń turaqty aǵynyn qamtamasyz etip, shtattyq rejimde jumys istep tur.
«Bul jobalardyń iske asyrylýyn baqylaý tıisti jumystar tolyq aıaqtalǵanǵa deıin turaqtytúrde júrgiziletin bolady», dedi Qarjy mınıstrliginiń apparat basshysy.
Kóshpeli keńestiń qorytyndysy boıynsha qurylys jumystaryn jedeldetýge jáne keden pýnktteriniń jumys isteý tıimdiligin arttyrýǵa baǵyttalǵan naqty tapsyrmalar berildi. Merdiger uıymdarǵa jańǵyrtý jumystarynqarqyndatý úshin nysandaǵy qyzmetkerler men tehnıka sanyn qysqa merzimde ulǵaıtý júkteldi. Memlekettik kirister komıtetine qajetti jumystardy uıymdastyrý kezinde anyqtalǵan kemshilikterge baılanysty «Tájen» jáne «Temir baba» keden beketteriniń basshylaryn tártiptik jaýapqa tartýdy qaraý tapsyryldy.